Angger nonton pertandingan Bal-balan live nang TV swasta Nasional bareng kanca tongkrongan nang warung kopi, sebagian duwe jagoan dewek-dewek.Sing asline jawa barat Dukung Persib Bandung.Wong Malang apa jawa timur mestine dukung Arema,Persela,Gresik United.Sing ora duwe jagoan kaya inyong bisane mung netral.Angger maine apik,fairplay,menang mesti tak jagoni.
Coba pikeren Ingatase Propinsi Jawa tengah kuwe akeh kota /kabupaten daerahe cukup makmur jebul ora ana sing melu kompetisi level 1 PSSI.Mulane arang nonton kiprahe klub-klub jawa tengah,pertandingane ora disiarna live TV nasional
jane akeh sing melu kompetisi ning ya kuwe mung melu kompetisi liga 2 kaya PSIS,PERSIS,PSCS,PERSIJAP,PERSIBANGGA, sayang beritane mung bisa di waca nang koran apa internet.Inyong sing kelairan gombong,cilik manggon nang Karanganyar kepingin Persak bisa dadi tim kesayangan durung bisa.Klub jawa tengah kayane orang ana sing tak jagoni,ora ana historise .Ya wislah inyong dukung Persak Kebumen bae.
PERSAK KEBUMEN
Persak Singkatan saka Persatuan Sepak Bola Kebumen.Miturut catetan sing tak waca didegke tahun 1967,lumayan suwe kurang luwih umur setengah abad.Sayang kiprahe Persak durung katon ora usah tingkat Nasional level regional jawa tengah apa isih ketinggalan adoh.Paling banter juara turnamen nang wilayah sekitar Kebumen-Banyumasan.
Sing tak ngertini Persak nembe bisa melu kompetisi liga Nusantara(Linus) siki ganti jeneng liga 3(amatir).Persak melu regional jawa tengah bae durung bisa lolos nganti tekan tingkat nasional.Malah siki(2017)maca berita dadi nelangsa Persak absen maning liga 3 Jateng.
Ya wislah angger Persak rumangsa durung mampu kompetisi ya ora ngapa.Ning aja mati suri keterusan ora melu.Manut aturan PSSI klub sing absen ping 2 terusan bisa kena sangsi.Apa ora nelangsa Kabupaten kebumen sing gairahe bal-balane mulai tukul kudu mati .Persak sing duwe julukan mentereng "Lajoska" , libur maning.Kanggo dulur Bumi Mania sing sabar,mbuh kapan bisa ngramekna stadion Chandradimuka karo yel-yel.Nunggu kebangkitan Persak Kebumen.
