Inyong jaman isih cilik manggone nang kecamatan Karanganyar Kebumen.Kelingan angger arep mangkat sekolah seringe sarapan tuku nang warunge Bu Untung.Dodole sisih lor pertigaan pasar karanganyar.Nggone strategis banget pinggir dalan gedhe.Nang kono tukang becak karo ojek sering mangkal dadi rame terus ben dinane.
Menu spesiale sega gudeg,bubur gudeg karo gorengan.Saben esuk laris manis angger tekane kawanen bisa ora keduman.Langganane ora tangga teparo sekitare bae tapi nganti adoh.Pancen enak masakane apa maning bubure.
Bubur bu untung beda banget karo bubur ayam jaman siki.Gawene nganggo santen dadi rasane nyamleng ana gurih .Umume mangane di tambah lawuh gudeg karo endog apa gorengan.Jaman semana endog isih dadi barang mewah tukune cukup separo bae ora utuh.
Inyong dadi kelingan pengalaman lucu karu warunge bu Untung.Critane esuk kuwe sing tuku rame banget.Iyong pesen sega gudeg karo bubur.Ora ngerti sing tuku pada akeh-akeh dadi lumayan suwe ngenteni di doli.Dadi kuatir jame tambah awan angger ngenteni bisa-bisa telat mlebu sekolah.
Merga sibuk ngedoli inyong ora ngomong mbatalna pesenan.Ngloyor bali cepet nang ngomah ora sida tuku sarapan.Untunge nang omah ana sisa sega wadhang bisa di enggo ngganjel weteng.Lawuhe cukup kecap karo krupuk sing penting awak klebon ora lemes nang sekolahan.
"
Dina esuke inyong bali maning tuku sarapan nang warunge bu Untung.Tekane luwih gasik ben cepet di layani durung rame sing teka.Kebeneran ora nganti nunggu suwe giliran pesesan inyong.Sedurunge ngedoli bu Untung ngomong
" Dik...! Wingi wis di bungkusna pesanane ora di gawa...apa lali....?".Inyong ngaku terus terang wektune wis awan wedi telat.Kebeneran bu Untung sibuk banget nglayani pelanggan ora kober mbatalna.Krungu alesane bu Untung mung ngguyu.Ora nyalahna maune mandan wedi...
Kuwe pengalaman iyong karo warunge bu Untung.Anake wadon nek ora salah sing nerusna usahane.Mandan suwe wis ora ngambah karanganyar....apa siki isih dodolan sega gudeg karo bubur ora ngerti kabare.......