Tempe Mendoan Jajanane Wong Ngapak.
Kanca ngapak...?Wis tahu krungu lagune Cengire Band judule Tempe.Angger krungu syaire kayane arep ngguyu mandan lucu ana nakale....Tempe dileboni lontong rasane jan ...bisa gawe merem....melek....(bener ora....?).Ning kanggoku sing cilikane mangggon cedhek Pasar Karanganyar pancen tempe sing di goreng isih manget jan uenak.....!
- tempe enak banget
- buket mbleketaket
- apa maning bar di goreng
- isih anget-anget
Ya...,tempe pancen panganan sedina-dina masyarakat Indonesia.Ora nang desa,kota,sugih,mlarat persasat kabeh doyan tempe.Ana sing kanggo cemilan ora sitik di enggo lawuh utama.
- ana tempe kedele
- ana tempe gembus
- ana tempe oncom
- ana tempe bongkrek.
Tempe pancen akeh maceme. Seliyane tempe dele saben daerah ana sing khas.Nang Jogja,jawa tengah dikenal tempe gembus.Tempe Oncom disenengi masyarakat jawa kulon.Jaman biyen sering krungu tempe bongkrek nang masyarakat Banyumas.Tapine siki jarang maning,angger ora bisa ngolahe jarene bisa keracunan.
Nah kanggone sing manggon nang Jawa Tengah bagian kulon(wong ngapak) mesti durung mantep angger durung mangan gorengan tempe "MENDOAN".Di enggo lawuh sarapan esuk ya mantep.Di enggo cemilan sore karo teh tubruk ya cocok. Aja klalen lombok ijone nggo nyeplus,apa luwih praktis di cocol saus sambel.
Nah Inyong cilikane manggon nang kebumen (Gombong-Karanganyar),wis mesti sing paling disenengi tempe mendoane.Kelingan jaman cilik saben arep mangkat sekolah sarapane Sega Wadang lawuhe tempe mendoan anget.Malahan kerep mangan mendoan siji karo ngombe teh manis wis cukup wareg.
Angger inyong bali kampung mesti ora ketinggalan saba pasar .Apa maning pas dina pasaran (Selasa,Jum'at),pasar rame banget.Isih kelingan warung langganan lawang sisih kidul mangan tempe mendoan sekalian sarapan sega rames(jangane kecambah-kacang panjang).
tempe mendoan
Jane mendoan ora nang tlatah ngapak thok.Nang Depok -Jakarta akeh sing pada dodolan mendoan saben sore.Ning ya kuwe tempene ora asli tempe khusus kanggo mendoan.Tempe plastikan biasa diiris tipis-tipis dadine Mendoan kw.Beda karo mendoan Gombong-Karanganyar(Kebumen),tempene asli tipis.Saben bungkuse(nganggo godong jati) isi 2 ukuran gedhe-gedhe.
Nah sedulur ngapak...? bali maning karo Cengire Band ngawe lagu sing syaire jajanan lokal pancen patut di acungi jempol.Seliyane bisa ngangkat TEMPE ,ora mboseni bisa dadi alternatif lagu-lagu sing akehe lagu katresnan.
- tempe enak banget
- buket mleketaket
-apa maning bar di goreng
-isih anget-anget.